دویای روداوەگەی مێخاس.. خانەقین بڕیاره‌یلێگ ئەرا مقیەتی خەلیەیل دەرکرد
شەفەق نیوز/ لەوەختیگ هەڵمەتەیل ئەمنی لە چواردەور خانەقین دەس وەپی کرد، دویای رفانن وکوشتن کشاوەرزەیل دویەکە یەکشەممە ، فەرمانگەی کشتوکاڵ خانەقین سەر وە هەرێم کوردستان، ئمروو دووشەممە، بڕیگ بڕیار ورێشوێن دەرکرد ئەرا مقەیەتی خەلیەیل وبوسانەیل وکشاوەرزەیل لە ئەگەر پەلامار تیرۆرستەیل لە وەرز دەرەو،.
کامران عەبدوڵا وەڕیەوبەر کشتوکاڵ خانەقین سەروە هەرێم کوردستان، ئەرا ئاژانس شەفەق نیوز وت؛ فەرمانگه‌گەی فەرمان وە قەیەغەی هەڵمەتەیل دەرەوکردن شەوانە دا، وتەنیا ری وە کار روژانە دا، وەگەرد مقەیتیەیل ئەمنی، وخەوەر داین لە هەر جموجویلیگ جی گومان.
عەبدوڵا ئاماژە دا وەداواکردن فەرمی لە قایمقام خانەقین وە هێزەیلگ پشتگیر ئەرا مقەیەتی جوتیارەیل، وکارەیل دەرەو لە پەلامارەگان تیرۆرستەیلە وپلانەیل خراوکاری ک تواێد ئابووری خۆجێی خراو بکەێد، وداوای پابەندبوین کشاوەرزەیل کرد وە پلانو رێنمایەیل ئەمنی ک وەپی وەرز دەرەوەگە سەربکەفێد وەبی رویداده‌یل تیرۆرستی.
لای خوەییش سەرچەوەیگ ئەمنی لە دیالە باس لە هەڵمەتیگ ئەمنی گه‌وراێگ لە چوادەور قەزای خانەقین کرد، لە دویای كاره‌سات رفانن وکوشتن جوتیارەیل دویەکە شەممە.
سەرچەوەگە ئەرا شەفەق نیوز وت: هێزەیلیگ لە پۆلیس و سوپا هەڵمەتیگ ده‌س وپیکردن ئەرا وەشکین چواردەور قەزای خانەقین دویای ئەوەگ تەرم ئه‌و جوتیارەیله دینەو ک داعش لە ئاوای مێخاس دویەشەو رفانەیان، وئاگر له ئامێرەیل دەرەوگەیان دا.
سەرچەوەگە هەمیش وت؛ تا رویداوەیل ئەمنی دژ وە جوتیارەیل و مەدنیەیل وەگشتی دووارە نەون، هێزە ئەمنیەگان داوای هوشیاری لە کشاوەرزەیل کردن ، هه‌میش وه زانیاری ره‌سانن وه هێزه‌یل ئه‌منی هاوكارییان بكه‌ن.
سەرچەویگ ئەمنی وه‌رژه‌یه ئەرا ئاژانس شەفەق نیوز باس رفانن دووان لە کشاوەرزەیل کرد، یەکیگیان موختار ئاوای مێخاسە، ئەوەکەیش گەنجیگە هاوکار لە هەڵمەت دەرەو گەنم بویە، تەرمەیلیان لە دیرە وختیگ دویەشەو دینەو.
