دوياى ساڵه‌يليگ له هه‌ڕه‌شه‌و رخه‌وبردن.. دويه‌تيگ ئيزيدى له به‌نه‌يى داعش قورتارى بوى
شه‌فه‌ق نيوز/ نويسينگه‌ى قورتاركردن رفياگه‌يل ئێزدى، ئاشكراى ئازادكردن دويه‌تيگ ئێزيدى كرد ك ده‌سوه‌سه‌ر بويه له كه‌مپ هۆل له سوريا، ئه‌ويش دوياى هه‌وڵه‌يليگ وه‌رده‌وام ئه‌را ماوه‌ى چه‌ن مانگيگ له‌وه‌ر ئه‌وه‌گ بتويه‌نێد له‌و كه‌مپه ده‌ربچێد ك هه‌زاران خيزان ريكخرياگ داعش له‌تى ده‌سوه‌سه‌رن.
له‌ى باوه‌ته‌و، حسێن قائيدى وه‌ڕيه‌وبه‌ر نويسينگه‌ى قورتاركردن رفياگه‌يل له دهۆك له لێدوانيگ ئه‌را شه‌فه‌ق نيوز وت: نويسينگه‌گه دوياى چه‌وديرى و هه‌وڵه‌يل ئه‌را ماوه‌ى چه‌ن مانگيگ تويه‌نست دويه‌تيگ ئێزيدى ئازاد بكا ك ده‌سوه‌سه‌ر بويه له كه‌مپ هۆل له سوريا، باس له‌وه‌يش كرد ئه‌و دويه‌ته خه‌ڵك ئاوايى سۆلاغ له قه‌زاى شه‌نگاڵه‌و له ئاب 2014 وه‌ل خيزانه‌گه‌ى له‌وه‌خت په‌لامار داعش ئه‌را بان شه‌نگاڵ رفياگه.
قائيدى هه‌ميش وت: ئه‌و دويه‌ته ك ناوى رونيا فه‌يسه‌ڵ مسكين و ته‌مه‌نى 17 ساڵانه ته‌نيا هه‌ر زووان عه‌ره‌بى زانستگه‌و تويش ده‌سدريژى و تاوانه‌يل تر فريه‌يگ هاتگه له‌وه‌خت رفيانى ك ئه‌را ماوه‌ى په‌نج ساڵ بويه و ئيسه‌يش كار له‌بان هاوردنه‌وه‌ى ئه‌كريه‌ێد ئه‌را عراق و ئه‌را لاى كه‌س و كارى له نزيكترين وه‌خته‌يليگ.
