دوياى دڵنيابوين له تويشنه‌هاتن وه كۆرۆنا.. هه‌ولێر نزيكه‌ى هه‌زار كه‌س له كه‌ره‌نتينه ده‌ركرد
شه‌فه‌ق نيوز/ پاريزگار هه‌ولێر باس له‌وه كرد كووتايى وه كه‌ره‌نتينه‌كردن سه‌دان كه‌س كرد دوياى دڵنيابوين له‌وه‌گ تويش ڤايرۆس كۆرۆنا ناتنه، يه‌يش دوياى تويشهاتن دو كه‌س له پايته‌خت هه‌رێم.
له‌ى باوه‌ته‌و، فرسه‌ت سۆفى له كۆنگره‌يگ رووژنامه‌گه‌رى وت: وه دريژايى رووژه‌يل گوزه‌يشت كار له‌بان جيوه‌جێكردن گشت رينمايه‌يل تايبه‌ت حكومى كرديمنه ئه‌را ريگرى له ڤايرۆس كۆرۆنا وه‌ل دامه‌زرانن ليژنه‌يگ باڵا ئه‌را ئه‌و مه‌به‌سه.
سۆفى هه‌ميش وت: له ماوه‌ى رووژه‌يل گوزه‌يشت بريگ رێ وشوون له‌وه‌ر گرتيمنه‌و سوپاسگوزراى له مه‌ردم ئه‌كه‌يم ئه‌را هاوكارييان له جيوه‌جيكردن رينمايه‌يل و يه‌يش ده‌رخست له رووژ 20/2 تائمڕوو 1315 كه‌س خريانه‌سه كه‌ره‌نتينه له مه‌رزه‌يل پاريزگاگه، ك نزيكه‌ى 95% له‌ليان له‌ڕێ ده‌روازه‌ى حاجى عومرانه‌و هاتنه‌سه ناو و له ئيران بوينه له‌وه‌ر كاره‌يل بازرگانى يا سه‌ردان، ئاماژه وه‌يه‌يش كرد ئمڕوو 957 كه‌س له‌ليان كه‌ره‌نتينه هيلنه‌جێ دوياى ئه‌وه‌گ ته‌ئكيد له‌ليان كريا تويش وه ڤايرۆس كۆرۆنا ناتنه.
