دووارەبوین گورز ئیران لەبان کۆیە
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە دووارەوبین گورز ئیران لەبان ناوچەیلیگ لە قەزای کۆیە لە پارێزگای هەولێر.
سەرچەوەگە ئەرا ئاژانس شەفەق نیوز وت: شەش مووشەک، وەرجە کەمیگ، کەفتنە بان بارەگای حزبیگ ئۆپۆزسیۆن ئیرانی.
سەرچەوەگە وتیش: مووشەکەیل لەلای ئیرانەو وەشیانە.
وەڕێەوبەرایەتی پەروەردەی قەزای کۆیە لە پارێزگای هەولێر، ئمڕوو چوارشەممە، بڕیار وسیان دەوام مەکتەوەیل دا، لەوەر گورزەیل ئیران.
وینەیل فێرخوازەیل مەکتەوەیل، نیشانیان دان ک لە رخ سەختی ئەو گورزە خوەیان شارنەو ک بارەگای حزبیگ ئۆپۆزسیۆن ئیرانی لە قەزاگە کردە ئامانج.
پارت ئازادی کوردستان ئۆپۆزسیۆن ئیرانی، ئمڕوو چوارشەممە، خەوەردا ک ئەو گورز ئیرانیە لەبان بارەگایلیان لە قەزای کۆیە، بویە هووکار کوشیان پەنج کەسیان لەلای کەمەو وزەخمداری دەیان کەسیش.
شێروان جەلال وەڕیەوبەر تەندروسی گشتی لە قەزای کۆیە، وت: خەسەخانەی قەزاگە پیشوازی لە دوو کوشیاگ و ١٢ زەخمدار لە بمباران ئیرانی کردیە.
