دوو قوربانی لە ئەنجام گورزیگ تورکی وەبان شێلادزێ لە دهۆک
2024-03-08T08:05:03+00:00
شەفەق نیوز/ سەرچەوەیگ ئەمنی، شەوەکی ئمڕوو جمعه، خەوەردا لە کوشیان دوو کەس و زەخمداری کەسیگ ترەک لە ئەنجام گورز فڕۆکەیل تورکیا وەبان ئاوای برسکی سەروو ناحیەی شێلادزێ باکوور دهۆک.
سەرچەوەگە ئەرا ئاژانس شەفەق نیوز وت: ئەو سێ قوربانیە شەوەکی ئمڕوو ئەرا گردەوکردن گیای وەهار چینەسە بان کویە لەنزیک ئاوایەگە، و لەورا کەفتنە وەر گورزەگە.
لەلای خوەیانش، کەسەیلیگ خەڵک ئاوای برسکی وتن: قوربانیەیل خەڵک ئاوایەگە بوین، دووانیان بران، کە یەکیگیان کوشیا و ئەوەکە زەخمدار بوی.
