دوو شاند لە حکومەت هەرێم کوردستان رەسنە بەغداد
شەفەق نیوز/ سەمیر هەورامی قسەکەر وەناو قوباد تاڵەبانی جیگر سەرۆک وەزیران هەرێم کوردستان، ئمڕوو یەکشەممە، راگەیان رەسین دەسەیگ لە وەزارەت پێشمەرگە ئەرا بەغداد پایتەخت ئەرا گفوگۆکردن لە دوو باوەت.
هەورامی لە وتاریگ رۆژنامەوانی وت: دەسەیگ لە وەزارەت پێشمەرگە ئیسە سەردان بەغداد کەێد ئەرا گفتوگۆکردن لە دەسکردن وە راهێنان هێزەیل پێشمەرگە، وباوەت شایستە داراییەگان ئەو هێزەیلە لە بوودجەی فیدڕاڵی گشتی.
وتیش: وەینزیکە شاندیگ باڵا لە هەرێم کوردستان سەردان بەغداد کەێد، وەلی دیارنیە کی سەرپەرشتیاری شاندەگە کەێد، وئاماژەدا ک شاندەگە ئەوەسا باس لە باوەتە هونەری و یاساییەگان کەێد لەباوەت بوودجەی ساڵ ٢٠٢١.
لەلای خوەییش سەرچەوەیگ چەودیر وت: شاندیگ هونەری لە دوو وەزی وژمارەیگ لە وەڕێوبەرە پەیوەندیدارەگان چگن ئەرا بەغداد ئەرا باسکردن لە بوودجە داراییە فیدڕاڵیەگە ئەرا ساڵ ٢٠٢١ .
سەرچەوەگە هەمیش ئەرا ئاژانس شەفەق نیوز وت: شاندە هونەریەگەی هەرێم ئیسە هالە بەغداد، و شاندەگە نەچگە ئەرا دانووستان لە چارەسەرکردن ناکۆکیەگان و باوەتە گیرهاتگەگان لەناوبەین هەولێر و بەغداد.
سەرچەوەگە دیاریکرد ک شاندەگە چگ ئەرا بەغداد دەربارەی پڕۆژەی یاسای بوودجەی ٢٠٢١، و باسکردن لە پێکهاتە و بەندەگانی وەگەرد حکومەت عراق.
