دوو خنکیان لە دووکان و گەرمیان لە رووژەیل جەژن
![دوو خنکیان لە دووکان و گەرمیان لە رووژەیل جەژن](https://media.shafaq.com/media/arcella/1657696207224.jpg)
شەفەق نیوز/ لەماوەی رووژەیل قوربان جەژن دوو گەنج لە دوو رویداو جیا لە سلێمانی و گەرمیان نوقوم بوین.
سەرچەوەیگ لە وەرگردی شارستانی وە ئاژانس شەفەق نیوز وت: گەنجیگ وە ناو "سەلام حەسەن" دویەکە سێشەممە لە چەم سیروان خنکیایە لە ناوچەی باوە نوور لە ئیدارەی گەرمیان.
سەرچەوەگە وتیش، تیمەیل وەرگیری شارستانی لە گەرمیان رەسینە شوین رویداوەگە لەدویای مینەکردن دویر و دریژیگ تەرمەگە پەیاکردن ئەرا وشکین کلیکردنە فەرمانگەی پزیشک دادوەری.
لە رویداویگتر، سەرچەوەیگ وە ئاژانس شەفەق نیوز خەوەردا گەشتیاریگ خەڵک پارێزگای بابل 23 ساڵان لە دەریاچەی دووکان لە دویەم رووژ جەژن خنکیایە، تیمەیل فریاکەفتن دەریاوانیی توەنستن وە ماوەی کەمیگ لەدویای نقوم بونی تەرم گەنجەگە درارن.
گەشتوگوزار دووکان لە بەیاننامیگ رەسیە ئاژانس شەفەق نیوز راگەیان؛ " هووکار نوقوم بوینی چوودەو ئەرا پاپەی نەوین گەشتیارەگە وە رینما و یاسایەیل سەڵامەتی ک لە گشت ناوچە گەشتیاریەیل دانریایە، لەوەر بەرزەوبوین پلەیل گەرما گەشتیارەیل روی لە مەلەکردن کەن".
وتیش، لە ماوەی ئمساڵ چوار خنکیان لە دەریاچەی دووکان توومارکریایە ک دویا نقومبوین گەنج گەشتیاریگ بوی خەڵک پارێزگای بابل لە دویەم رووژ جەژن قوربان.