دوو خانمە کورد ناویان چوودە ناو لیست 100 کاریگەرترین خانم لە جەهان
شەفەق نیوز/ تووڕ خەوەری بی بی سی لیست ناوەیل 100 ژنە کاریگەرەگەی جەهان بڵاوکرد ئەرا ساڵ 2024 کە ناو دوو ژن کورد هاناوی.
لە کۆتایی گشت ساڵیگ تووڕ خەوەڕی بی بی سی لیست ناو 100 ژن راگەێنێد کوە تەقەڵا و کار و چالاکیەیلیان فرەترین کاریگەری لەبان جەهان دروسکردنە، ئەرا ئمساڵیش لیستەگە ناو دوو خانم کورد هاناوی هەردووگ چالاکوان نادییە موراد و ژینا مودەڕیس گۆرجی.
نادیە موراد چالاکوانی ئێزدی، لە دویای پەلامارەیل داعش وەبان شەنگال، وەلایەن گروپیگ رفیا دویای رەدبوین چەن مانگیگ توەنست خوەی قورتاربکەێد و چیرۆکەگەی وە جەهان بڕەسنێد و بوودە یەکیگ لە داکۆکیکەرەیل ماف ژنەیل و ژنەیل ئێزیدی وە تایبەت، لەوەر کار و تەقەڵا و چالاکیەیلی ئێ خانمە لە ساڵ پارەکە خەڵات نۆبڵ ئاشتی وەپی بەخشریا.
ژینا مودەڕیس گۆرجی رووژنامەنویس و چالاکوانیگ خوەرهەڵات کوردستانە کە کار لە بەرگریی مافەیل ژنەیل کرد، دویای گیان لەدەسدان ژینا ئەمینی و دەسوەپیکردن جویلەیل (ژن، ژیان، ئازادی)، ئێ چالاکوانە چەن جاریگ دەسگیرکریا تا دویاجار وەبڕیار دادگا دوو ساڵ وە زیندانیکردن سزا دریا ئیرنگە لە رووژەیل سزاگەی وەسەر بەێد.
