دوو خۆپیشاندان لە سلێمانی.. وێنە
شەفەق نیوز/ پارێزگاری سلێمانی لە هەرێم کوردستان، ئمڕوو سێشەممە، دوو خۆپیشاندان وەخوەی دی، یەکیگیان لەلایەن فەرمانبەرەیل گریەبەسی لە کۆمسیۆن باڵای سەروەخوەی هەڵبژاردن وەداوای چەسپیانیان، و ئەوەکە لەلایەن وانەبۊشەیل پەتی وەداوای دامەزرانن و خەرج شایستەیان.
نۊنەریگ لە خۆپیشاندەرەیل لە وانەبۊشەیل پەتی لە کۆنگرەیگ رووژنامەوانی ئاژانس شەفەق نیوز ئامادەی بۊ وت: دەیان لە وانەبۊشەیل پەتی لە سلێمانی، ئمڕوو، خۆپیشاندانیگ لەوەردەم بانک هەرێم ڕێک خستن وەداوای دامەزرانن و خەرج شایستەیان، و دیاری کرد ک مامووستایل پەتی فرە پێشکەش وە کار خوەنەواری ئەرا کوردستان کردن، و بایەتە لایەنە پەیوەندیدارەیل گووش لەلاین بگرن و داوایان وەجی بارن.
وتیش: داوامان ئەوەسە ک لەبان میلاک حکومەتی دامەزریەیمن و خەرج مووچەیلیمان ئەرا مانگەیل نیسان و ئایار و حوزەیران لە ساڵ گوزەشتە بکەن، و یەکسانی لە کارەیل خوەنەواری بوود، و هەمیش مووچە لە مەوقەی خوەی بیەن، وتیش؛ ئەرا داواکاریمان جیوەجی نەکەن ئەوەسا واز لە هۆڵەیل خوەنەواری تیاریمن، و یەیشە وەخراوی لەبان کار خوەنەواری گلەو خوەێد.
هەمیش لە سلێمانی، دەیان لە فەرمانبەرەیل گریەبەسی لە کۆمسیۆن باڵای سەروەخوەی هەڵبژاردن لەوەردەم نۊسینگەگەی لە پارێزگاگە وەداوای چەسپیانیان خۆپیشاندان کردن.
نۊنەریگ لەلیان لەناو کۆنگرەیگ رووژنامەوانی ئاژانس شەفەق نیوز ئامادەی بۊی وت: ناڕەزاییمان لە وەردەم بینای کۆمسیۆن باڵای سەروەخوەی هەڵبژاردن ئەرا داوای مافەیلمان تیەێد.
ناڕەزایلە داوا لە کۆمسیۆن باڵا و لایەنە پەیوەندیدارەیل کردن لەبان میلاک هەمیشەیی بچەسپیەن، یا بخەنەیانە بان گریەبەسی کارکردن لەبان بڕیار سەرۆک وەزیرەیل شمارە ٢٨٤ ئەرا ساڵ ٢٠٢١.
