دو كه‌س خه‌ڵك هه‌رێم كوردستان له بريتانيا وه كۆرۆنا گيان له‌ده‌سدان
2020-04-15T10:09:38+00:00
شه‌فه‌ق نيوز/ ريكخرياگ "ئه‌لقمه" ئه‌را كاروبار په‌نابه‌ره‌يل له هه‌رێم كوردستان و عراق، ئاشكراى مردن دو كه‌س له خه‌ڵك هه‌رێم كوردستان له بريتانيا وه ڤايرۆس كۆرۆناى تازه كرد.
ئه‌و ريكخرياگه له به‌ياننامه‌يگى ك ده‌مه‌و شه‌وه‌كى بڵاويه‌و كرد، وت: هه‌ردوگ هاووڵاتى كورد "سمكۆ جه‌تۆ مه‌لا ره‌شيد" و "محه‌مه‌د مه‌حمود كه‌ريم"وه بوونه‌ى تويشهاتنيان وه ڤايرۆس كۆرۆنا گيان له‌ده‌سدانه.
هه‌مان ريكخرياگ له زووان نوێنه‌ره‌گه‌يه‌و له بريتانيا هه‌واڵ مردن ئه‌و هه‌ردوگ هاووڵاتى كورده پشتڕاسه‌و كرد له يه‌كيگ له نه‌خوه‌شخانه‌يل باشوور خوه‌رهه‌ڵات له‌نده‌ن پايته‌خت بريتانيا.
