دو دانيشتن گرنگ له هه‌رێم كوردستان ساز ئه‌كريه‌ێد
2019-11-05T08:39:07+00:00
شه‌فه‌ق نيوز/ سێ سه‌رۆكايه‌تيه‌گه‌ى هه‌رێم كوردستان دانيشتنيگ گرنگ ساز ئه‌كه‌ن و دوياى ئه‌وه‌يش دانيشتنيگ تر له‌ناونى سه‌رۆك هه‌رێم و لايه‌نه‌يل سياسى كوردستانى ئه‌نجام ئه‌گرێد.
ئى دانيشتنه دوياى چه‌ن سه‌عاتيگ له دانيشتن فراوان ناونى سه‌رۆك هه‌رێم كوردستان و به‌رهه‌م ساڵح سه‌رۆك كۆمار عراق هات ك حاڵ حازر وجوود ديرێد له هه‌ولێر.
وه‌گووره‌ى سه‌رچه‌وه‌يل ئاگادار ئه‌را شه‌فه‌ق نيوز، ئه‌وه ده‌ركه‌فت ك ساڵح وه‌ل سه‌رۆك هه‌رێم كوردستان باس له هه‌مواركردنه‌وه‌ى ده‌ستوور و روێداگه‌يل ئى دوياخره كردگه له به‌غدا،يه‌يش له‌وه‌ختيگ سه‌رۆك هه‌رێم و سه‌رۆك په‌رله‌مان كوردستان وه‌ل سه‌رۆك عراقى له دانيشتنيگ جياجيا باس روێداگه‌يل كردنه.
