دو باند بازرگانیکردن وە ماددە هوشبەریل لە سلێمانی پۊچەڵکریا

شەفەق نیوز/ وەڕێەوبەرایەتی ئاسایش لە پارێزگای سلێمانی، پۊچەڵکردن دو باند بازرگانیکردن وە ماددەیل هوشبەر و دەسناین وەبان 2 کیلۆگرام ماددەی لەو جۊرە راگەیان.    

لە راگەیاننیگ ک وەلایەن سەرچەوەگە رەسییە ئاژانس   شەفیق نیوزە وەڕێەوبەرایەتییەگە وت: جۊر بەشیگ لە ئۆپەراسیۆنیلمان، وەگورەی   رینماییەیل دەزگای ئاسایش لە هەرێم کوردستان، وە ئەرا  نواگردن باندەیل بازرگانی و بڵاوبۊین ئەو دەرمانە، وەڕێەوبەرایەتییەگە لە 2 تا 9 کانوون یەکەم 2021  لە ری  دو ئۆپراسیون ئەمنی جیاواز لە شار سلێمانی و وەرگردن فەرمان دادگە، دو باند بازرگانیکردن وە ماددەیل هوشبەر دەسگیر کریان.       

دیاریکرد، ئەو دو باندە لە شەش کەس بۊین تاوانبارن وە هاوردەکردن مادەیل هوشبەر لەهەمان وەخت دەسنانە بان دو کیلۆ ماددەی هوشبەر  و لە جۊر (کریستاڵ و حەشیش و ماریجوانا) و وەگەرد چەک جۊر تفەنگ.    

وتیش؛ تاوانبارەیل ئەو مادەیلە لە دەیشت هەرێم هاوردنە ئەرا فروشتنی لەناو هەرێم.  

وەرێەوبەرایەتیەگە دیاریکرد لە بەیاننامەگەی، تاوانبارەیل دەسوەسەر کریانە وەگورەی ماددەی (25) لە یاسای ماددەیل هووشبەر، لێکۆلینەوە وەگەردیان وەردەوامە.