دوکان تەنیا لە ماوەی ٤ رووژ ٣٠ هەزار گەشتیار وەرگرێد (وینە)
رێزین ڕەئوف، وەڕێوەبەر ەڕێوەبەرایەتی گەشتوگوزاری دوکان ئەرا ئاژانس شەفەق نیوز وت: لە ماوەی سێ رووژ وەرجە جەژن و یەکەم رووژ جەژن قوربان زیاتر لە 30 هەزار گەشتیار لە ناوچە جیاجیایل عراق و لە دەیشت وڵاتەو هاتنەسە تاوسانهەواری دوکان."
وتیش: "وەڕێوەبەرایەتی گەشتوگوزاری دوکان گشت ئامادەکارییەیلی جیوەجی کردگە ئەرا پیشوازیکردن لە گەشتیارەیل و دابینکردن خوازینەیل ئەرا وەسەربردن وەختەیل خوەشیگ لەورا"، مەزەنەیش کرد لەو رووژەیلە کە مەننە ئەرا پشوو جەژن شمارەیگ فرەتر گەشتیار بچنە ناو دوکان و ئامارەگانیش وە فەرمی ئاشکرا کریەن.
بیجگە لەوەش، رائید حەسەن، یەکیگ لەو گەشتیارەیلە کە لە بەغدای پایتەختەو هاتگە و ئەرا ئاژانس شەفەق نیوز قسە کرد کە وت: “ئەو کەشوهەوای رەنگین و دیمەنەیلە هیشت من و هەزاران کەس بچیمنە قەزای دوکان، جویر سروشت وەهارە لە رەنگینترین شیوەس لە دوکان، بیجگە لەو ئاسانکاری گەورە کە لەلایەن دەزگایل ئاسایش و حکومەت ئەرامان کریاس”.
حەسەن وتیش: "بەرزی پلەی گەرمی لەی رووژەیلە لە بەغدا هیست هەزاران کەس روی وەرەو تاوسانهەواری سلێمانی و ئەو شارەیل هەرێم کوردستان بکەن، کە گونجیایترن ئەرا گەشتکردن وەرەو دەیشت وڵات".
قەزای دوکان لە پارێزگای سلێمانی وە یەکیگ لەو بەهەشتە گەشتیارییەیلە دانریەێد کە خودای گەورە وە کویە و دەشت و شوین سەوزایی و ئاو شیرین و کەشیگ تەندروس و دیمەن رەنگین کە تەماشاکەر سەرسام کەێد و ئیلهامبەخشە ئەرا هەس شاعیرەیل یەکیگە لە سەرچاوەی کیشانن گەشتیاری کە وە تاوسانهەواری و تابلۆی راسی کویەیل نشان دەێد.
