دویای گووشت سوور.. نرخ مامر لە بازاڕەیل سلێمانی گرانەو بوود.. وینە
فاخر عزەدین ئەرا ئاژانس شەفەق نیوز وت: نرخ یەک کێلو مامر لەی رووژەیلە وەرجە جەژن نەورووز وە ٣٥٠٠ دینار بوی، و ئیرنگە نرخ یەک کێلو رەسیە ٤٢٥٠ دینار، یەسە ک ٢٥ لەسەد گرانترەو بوی، ویەیش بەرزەوبوین فرەیگە، و مامرەگە خوەمانیە و کاریگ وە دۆلار و هاوردە نەیرێد.
عزەدین وتیش: ئی بەرزەوبوینە بار هاووڵاتیەیل سەنگینەو کەێد، وەتایبەت لەی مانگە ک بوونەیل فرەیگ هاناوی، گرنگترینیان مانگ رەمەزانە ک گووشت چەرمگ لەبان خوان رەمەزان خوازێد، و لەیەگلایش نرخ یەک کێلو گووشت سوور رەسیە ٢٢ هەزار دینار.
لەلای خوەییش، سەرۆک کۆمەڵگەی ئیوەتکەرەیل مامر لە سلێمانی نازم عەبدولڵا ئەرا ئاژانس شەفەق نیوز وت: خاوەن مامرەیل یە ٤ مانگە کەفنە وەر زەرد گەورەیگ لەوەر بان و خوارکردن نرخ دۆلار ک وەپی لەوەڕ و کەرستە سینیەێد.
عەبدولڵا وتیش: نزیکەی ٧٠ لەسەد لە ئیوەتکەرەیل مامر لەوەر بەزەوبوین نرخ لەوەڕ و کرادەس زەرەد دوینن، لە وەختیگ خاوەن مامرەیل نزیکەی ٣٢٥٠ هەزار دینار ئەرا یەک کێلو مامر خەرج کەفێدە بانیان.
وەرانەوەر ئەوە، خاوەن دوکانەیل فرووشتن مامر، لە قسەیان ئەرا ئاژانس شەفەق نیوز وتن: گرانیەگە پەیوەندی وەخوازین بازاڕ دیرێد، ک داواگە فرەس و مامرەگە کەمە، چوینکە بوون و پشوو و جەژن لەی مانگە هەس، و مەزەنە کردن هەکاتی پارەکە نرخەگە بڕەسێدە ٤٦٠٠ دینار.
