دویای وتارەیل بەغداد.. پەرلەمان کوردستان دانیشتنەگەی دویاخەێد
شەفەق نیوز/ سەرۆکایەتی پەرلەمان هەرێم کوردستان، ئمڕوو دووشەممە، بڕیار دا دانیشتنەگەی ک بڕیاربوی سوو سێشەممە بکریەێد بخەێدەدویا، ئەوەیش لە دویای قسەیل حکومەت بەغداد.
هێمن هەورامی جیگر سەرۆک پەرلەمان لە کۆنگرەیگ رۆژنامەوانی ئاژانس شەفەق نیوز ئامادەی بوی وت: بڕیار دویاخستنەگە لە پشت روونکردنەوەگان هات ک قسەکەر وەناو حکومەت عراق ئاشکرای کرد ک رێککەفتنەگە لەناوبەین بەغداد و هەولێر هیمان جیگرە.
وتیش: شاند هەرێم کوردستان ئمڕوو خەوەردامان کرد ک خوەیان وەختیگ زیاتر خوازن ئەرا ئامادەکردن راپۆرتیگ تەواوەتی لە دانووسانەیلیان وەگەرد بەغداد، و دیاریکرد ک ئەوسا لە دویای ئامادەکردن راپۆرتەگە دریەێدە گشت پەرلەمانتارەگان و دەسەی دارایی، و ئەو وەختە بڕیار دریەێد ئەگەر دانیشتن پەرلەمان خوازێد.
هەورامی دەسخوەشی لە قسەیل حکومەت عراق کرد هەنای وت ک بەغداد پابەندە وە رەوانەکردن ٣٢٠ ملیار دینار ئەرا هەرێم.
