دویای ژەهراوی بوین سەدان کەس.. قەیران پیسبوین ئاو لە شارەزوور کۆتایی هات

شەفەق نیوز/ حاکم رزگار قایمقام قەزای شارەزوور لە پارێزگای سلێمانی، ئمڕوو سێشەممە، لاوردن پیسبوین لە ئاو نووشین و کۆنترۆڵکردنی راگەیان، دویای ژەهراوی بوین سەدان کەس لە ئەنجام دزەکردن ئاوەڕۆ وەناو ئاو نووشین لە چەن گەڕەکیگ.

رزگار لە کۆنگرەیگ رووژنامەوانی وت: دویای رەسین ٤٨ پزشک پسپۆر لە سلێمانییەو، نموونەیل ئاوەگە خستە ژیر تاقیکردن، و دەرکەفت کە مدوو پیسبوینی چوودەو ئەرا دزەکردن ئاوەڕۆ وەناوی لە چەن گەڕەکیگ لە ناحیەگە.

وتیش: ئەنجام ئەو تاقیکردنەیلە کە دویەکە تەواو کریا، دەرخست کە دویای لاوردن پیسبوینەگە ئاوەگە دی ئەرا نووشین گونجیاس، و هویچ رخدارییگ لەبان تەندروسی هاوڵاتی نەیرێد.

زیاتر لە ٢٠٠٠ کەس تویش زگچین و ئەڵاوردن هاتن لە قەزای شارەزوور لەماوەی ئی چەن رووژ گوزەشتە، لە ئەنجام پیسبوین ئاو.