دویای هەفتەیگ لە "کوشتارەگەی بەرخ".. سەیرانگایل زاخۆ وە گوڵ پیشوازی لە گەشتیارەیل کەن.. وینە
شەفەق نیوز/ فەرمانگەی گەشتوگوزاری لە ئیدارەی سەروەخوەی زاخۆ لە هەرێم کوردستان، ئمڕوو چوارشەممە، هاتن بڕەیل گەشتیارەیل ئەرا سەیرانگایل ناوچەگە راگەیان، دویای یەک هەفتە لەو تووپواران سوپای تورکیا لەبان سەیرانگای بەرخ.
بێوار سندی وەرپرس راگەیانن فەرمانگەگە ئەرا ئاژانس شەفەق نیوز وت: تیمەیل فەرمانگەگە وە گووڵ پیشوازی لە گەشتیارەیل کردن ک لە ناوڕاس و باشوور عراق هاتنە، وشمارەیان رەسیە ٣٠٠ گەشتیارەیل روی وەرەو شوینەیل گەشتوگوزاری لە زاخۆ کردن.
وتیش: شوینەیل گەشتوگوزاری نزیک لە سەیرانگای بەرخ، دەرەیلیان واز کردن تا دووارە پیشوازی لە گەشتیارەیل بکەن
دویای ئەوەگ سەیرانگای بەرخ کەفتە وەر تووپواران لە هەفتەی گوزەشتە، و بویە هووکار کەفتن قوربانی لەناو گەشتیارەیل و زەخمداری زیاتر لە ٣٠ کەسیش.
رووژ چوارشەممەی گوزەشتە، سوپای تورکیا تووپواران سەیرانگای بەرخ لە زاخۆ کرد، ک بویە هووکار کەفتن نۆ قوربانی و ٣٣ زەخمدار لەو گەشتیارەیلە ک لەورا سەیران کردن.
