دویای سێ ساڵ لە ریفڕاندۆم.. کەی پارتی تیەێدەو ئەرا ناوچە دابڕیایەگان؟
شەفەق نیوز/ نوێنەر پارت دیموکرات کوردستان لە ئەنجومەن نوێنەران، ئمڕوو یەکشەممە، هووکارەگان نەهاتنەوەی بارەگا و نووسینگەیل پارت دیموکرات کوردستان ئەرا ناوچەیل دیالە و ناوچەیل ماده‌ی ١٤٠ وە ستەم سیاسی دانا، و جوور شیوەیگ لە تیرۆر . ئازاد حەمید شەفی نوێنەر پارتی لە فراکسیۆن ''سائیرون'' لە قسەگەی ئەرا ئاژانس شەفەق نیوز وت: دیرکەفتن هاتنەوەی بارەگایەیل و نووسینگەیل پارت دیموکرات کوردستان ئەرا دیالە و ناوچە دابڕیایەگان لە چەن پارێزگایگ، چوودەو ئەرا ئەو هەڕەشەو وپێشێلکاریەیلە ک بەشیگ لە کادرەیل حزبەگە کەفتنە وەری لە لایەنەیل و حزبەیلیگ چەکدار دویای رووداوەیل ریفڕاندۆم سەروەخوەیی کوردستان لە ساڵ ٢٠١٧. وتیش: سەرکردایەتی پارت دیموکرات کوردستان دووارە بارەگایلی لە دیالە وچەن ناوچەیگ نەکردەو، تا نەوودە گرفت و روی وەڕویبوین وەل لایەنەیلیگ تر، و هاتنەوەی سیاسی و ئەمنی بارەگایل حزبەگە ئەرا ناوچە دابڕیایەگان بایەسە لەسای گفتوگۆ و دانووستانە گان بوود لە ئایندە. شەفی هاتنەوەی نووسینگە و بارەگایل پارتی گریەدا وە هاتنەوەی چالاکی سیاسی لە بان بنەمای ئەو مافەیلە ک دەستوور عراقی مسۆگەریان کردگە وگریەبەسە وە ئارامی ئەمنی، و گفتوگۆی گشتگیر دویر لە تیرۆر سیاسی ک خوەی شیوەیگە لە شیوەیل تیرۆر. وتیش مەرج نیە تیرۆر وەچەک بوود، بەڵکم جاروبار وە هویرکردنەوەس، جوور ئەوەگ بەشیگیان وەکاری تیەرن، لەبان ئەو ئاڵشتبوینەیلە ک عراق لەپشت رمانن رژیم وەرین وەخوەی دی، ک ئازادی لە چالاکیە سیاسیەگان ئەرا گشتی مسۆگەر کرد .
