دویای زیایبوین تووشهاتنەگان .. هەولێر خەسەخانەی نوویگ ئەرا تووشهاتگەیل کۆڕۆنا تەرخان کەێد

شەفەق نیوز/ دەسەڵاتە تەندروسیەگان لە هەولێر، ئمڕوو یەکشەممە، راگەیانن لە تەرخانکردن خەسەخانەی نوویگ ئەرا تووشهاتگەیل ڤایڕۆس کۆرۆنا.

 وەڕێوبەرایەتی خەسەخانەی فریاکەفتن هەولێر خەوەردا ئاژانس شەفەق نیوز ک وەڕێەوبەرایەتی گشتی تەندروسی هەولێر بریاردا وە تەرخانکردن خەسەخانەگە ئەرا تووشهاتگەیل ڤایڕۆس کۆڕۆنا، دویای زیایبوین تووشهاتنەگان.

وەڕێوبەرایەتی خەسەخانەگە وت: لە ئیسەو وەرەودویا تەنیا تووشهاتنەگان کۆرۆنا وەرگرێد، و دیاریکرد؛ ئی بڕیارە لە دویای شەپۆل تووشهاتن گەوراگە وەڤایرۆس کۆڕۆنا هات.

وەڕێوبەرایەتی خەسەخانەی فریاکەفتن خوەرئاوای هەولێر داوا لە هاووڵاتیەیل کرد سەردان خەسەخانەی فریاکەفتن گشتی و فریاکەفتن خوەرهەڵاتی بکەن.