دویای ٨ رووژ لە خنکیانی.. دراوردن تەرم ئەندامیگ حەشد شەعبی لە کەرکوک
2024-04-26T08:15:46+00:00
شەفەق نیوز/ سەرچەوەیگ ئەمنی لە کەرکوک، ئمڕوو جمعە، خەوەردا لە پەیاکردن تەرم ئەندامیگ حەشد شەعبی لەناو چەم زاب بویچگ باکوور پارێزگاگە، ئەوەیش دویای ٨ رووژ لە خنکیانی.
سەرچەوەگە ئەرا ئاژانس شەفەق نیوز وت؛ پولیس چەم و ئەندامەیلیگ حەشد شەعبی و کۆماندۆ و خەڵکەگە تەرم ئەو گەنجە وەناو (عەمار قاسم) پەیا کردن کە رووژ جمعەی گوزەشتە لە چەم زاب لە ناوچەی تەقتەق لە ناحیەی ئاڵتوون کوپری خنکیاس، کە ئەندامە لە حەشد شەعبی.
وتیش: تیم مەلەوانەیل وە ماوەی هەشت رووژ هەر مینەی تەرمەگە لەناو چەم کردیان، و ئمڕوو توەنستن پەیای بکەن، و هیزیگ لە پولیس تەرمەگەی ئەرا پزشک دادوەری برد.
