دویای دەسکیشانەوەی قایمقام… خوەینشاندان شەوانە لە پێنجوێن… وینە
بەختیار محمد، یەکیگ لە ناڕەزایل ک یە سێ رووژە هاناو خوەینشاندان ئەرا ئاژانس شەفەق نیوز ئویشێد: خوەینشاندان ئەرا دەرکردن قایمقام پێنجوێن نەهاتیە، باوجی ئەرا داوای خزمەتگوزاری لە وەرز زمسان هاتیە.
محمد وتیش: ئیمە وەداوای نەفت و کارەبا و خاسەوکردن خزمەتگوزاری گشتی قەزاگە هاتیمنە، وەبی نووڕستن ئەرا ئەوەگ پیشکەشی کەێد.
داوای وەخشین
لەپشت ئەو ناڕەزایەتیە، زانا رەحیم قایمقام پێنجوێن وەفەرمی داوای وەخشین لە خەڵک قەزاگە کرد، ئەوەیش لە پەیامیگ ک ئاژانس شەفەق نیوز نووڕیەی، و لەناوی وت: گشت تەقەلایگ وەوەگ وەدەسی هاتگە پیشکەش کردگە، باوجی نەتوەنستیە داوایل خەڵک قەزاگە جیوەجی بکەێد.
رەحیم وتیش: دەنگ هاووڵاتیەیل ئەرا لایەنەیل پەیوەندیدار رەسانیە دویای سێ رووژ لە خوەنیشاندان وەداوای کارەبا و نەفت چەرمگ.
رەتکردن دەسکیشانەوە
هەرلیوا، بزووتنەوەی گۆڕان خاوەن پۆست قایمقام پێنجوێن بڕیار دەسکیشانەوەی زانا رەحیم رەت کرد، هەرچەن رکدار بوی لە پشتگیریکردن داوایل خوەینشاندەرەیل.
