دویای بەشداریکردن کارای لە میونشن.. نێچیروان بارزانی کۆتایی وە سەردانەگەی ئەرا ئەڵمانیا تیەرێد
نێچیروان بارزانی وەگەرد سەرکردەیل باڵا و وەرپرسەیل وڵاتەیل گردەو بوی ئەرا باسکردن لە رەوشەیل ئەمنی و سیاسی عراق و هەرێم کوردستان، گرژییەیل خوەرهەڵات ناوڕاسڕ و هەڕەشە و سەختیەیل لەنوای ئاسایش و سەقامگیری لە ناوچەگە و جوهان، و گفتوگۆکردن لە پەرەپیدان پەیوەندییەیل و هاوکاری هاوبەش لە چین وزە و ئاسایش وزە، بیجگە لە باسکردن لە کاریگەرییەیل ئاڵشتبوین کەشوهەوا و نووڕینەیل هەرێم کوردستان لەبان ئی پرسە.
کارنامەی سێ رووژەی بارزانی بریتی بوی لە دیدار وەرد ئەمیندار گشتی نەتەوە یەکگرتگەیل، سەرۆک ئازەربایجان، شای ئوردن، سەرۆک وەزیرەیل یۆنان، قەتەر، ئەرمینیا و ئیستۆنیا، وەگەرد جیگر سەرۆک و وەرپرسەیل باڵای کاروبار دەیشت و سیاسەت ئەمنی یەکێتی ئەوروپا و وەزیرەیل دەرەوەی بەریتانیا و فەرەنسا و نەمسا و تورکیا و کوەیت وڤاتیکان و بەحرەین و وەزیرەیل وەرگری بەریتانیا و ئەڵمانیا.
بارزانی وەگەرد شمارەیگ شاند و وەرپرس باڵای ترەک گردەو بوی، لەوانە شاند کۆنگرێس ئەمریکا لە هەردوگ ئەنجومەن نوێنەران و ئەنجومەن پیرەیل، ڕاوێژکار باڵای سەرۆک ئەمریکا ئەرا کاروبار وزە و بەرهەمهاوردن، وەزیرەیل وەرگری ئەڵمانیا، کاروبار دەرەوە، هاوکار ئابووری و گەشەپیدان، و دەسمیەتیدەر وەزیر وەرگری ئەمریکا ئەرا کاروبار ئاسایش نازدەوڵەتی، و سەرۆک تیم پیداچوین ستراتیژی. یەکێتی دیموکرات مەسیحی و یەکێتی کۆمەڵایەتی مەسیحی و راوێژکارە دیپلۆماسیەیل سەرۆک فەرەنسا.
