دویای بەشەوکردن مووچە.. بازاڕەیل دهۆک پڕەو بوون لە بسینەیل جەژن.. وینە
شەفەق نیوز/ بازاڕەیل شار دهۆک لە هەرێم کوردستان، هاتن فرەیگ لەلایەن بسینەیل وەخوەیان دروینن، کە ئەرا سەنین چشتەیل جەژن رەمەزان تیەن، دویای بەشەوکردن مووچەی فەرمانبەرەیل، کە وەردەوامی قەرەباڵغی لەناو بازاڕەیل تا وەختەیل دیریگ لە شەو دیارە.
حسێن فەتاح خاوەن دوکان پڕتاڵ مناڵ ئەرا ئاژانس شەفەق نیوز ئویشێد: بەرزەوبوین وەرچەویگ لەبان سەنین هەس هەرچەنیگ مەوقەی جەژن نزیکەو بوود، وەتایبەت دویای بەشەوکردن دوو چین مووچەی لەی مانگە، وتیش: ئی هاتن فرە خاسە دویای وسیان بازاڕەیل لەی ماوەی دویاییە، لەوەر رەوشەیل ئابووری سەخت مەردم.
لەلای خوەییش، هەیڤێ سەردار، یەکیگ لە بسینەیل لەناو بازاڕ وەگەرد مناڵەیلی وت: ئمڕوو هاتیە ئەرا بازاڕ تا دڵنگ و شیرینی و کەرەزات ئەرا جەژن رەمەزان بسینێد.
هەیڤێ خان ئەرا ئاژانس شەفەق نیوز باس گرنگی بەشەوکردن مووچە لەی وەختە کرد کە دەسمیەتیی دا ئەرا سەنین خوازینەیل مناڵەیلی ئەرا جەژن، وەنە نەتوەنست گشت خوازینەیل مناڵەیلی وەجی بارێد.
هەرلیوا، هەرمان ئەحمەد یەکیگ ترەک لە بسینەیل ناو بازاڕ وت: وەختە گونجیایەگە ئەرا بازاڕکردن لە مانگ رەمەزان وە شەوە، هەرچەن بازاڕ قەرەباڵغە دویای بەشەوکردن مووچەیل.
ئەرا ئاژانس شەفەق نیوز باس ئومید خوەی کرد کە گیچەڵ دیرکەفتن مووچە چارەسەر بکریەێد، کە فرە بیزار فەرمانبەرەیل کەێد و بازاڕەگە وسنێد.
مەزەنە کریەێد رووژ دووشەممەی ئایندە 31 ئادار بوودە یەکەمین رووژەیل جەژن رەمەزان.
