دهۆك له هاتنه‌وه‌ى ئه‌را ژيان ئاسايى نزيكه‌و بويه
شه‌فه‌ق نيوز/ ئداره‌ى پاريزگاى دهۆك ئاشكراى ئاسانكاريه‌يل تر كرد له واكردن شماره‌يگ تر له دوكانه‌يل بازرگانى و پيشه‌سازى ك يه‌يش هاتنه‌وه‌ى پاريزگاگه ئه‌را ژيان ئاسايى خوه‌ى نزيكه‌و كردگه.
له‌ى باوه‌ته‌و، شانه‌ى قه‌يران له پاريزگاى دهۆك له به‌ياننامه‌يگ ئه‌را شه‌فه‌ق نيوز وت: ئاسانكاريه‌يل فريه‌يگ له‌باره‌ى كه‌مه‌وكردن رێ وشوونه‌يل قه‌يه‌غه‌ى هاتوچوو و كۆمه‌ڵايه‌تى كرياگه‌و يه‌يش وازكردن ناوچه‌ى پيشه‌سازى له سه‌عات 5 شه‌وه‌كى تا3 ئيواره و وازكردن دوكانه‌يل فرووشتن كاره‌بايى و مادده‌يل هه‌وه‌جه‌ى رووژانه له سه‌عات 12ى نيمه‌ڕوو تا 4 ئيواره ئه‌گرێده‌و.
باس له‌وه‌يش كرد دوكانه‌يل مۆبايل فرووشى له سه‌عا 8 شه‌وه‌كى تا 12ى نيمه‌ڕوو و بازاڕ ئاژه‌ڵ فرووشى له 5 شه‌وه‌كى تا 9 شه‌وه‌كى واز ئه‌كه‌ن ك ئى ئاسانكاريه‌يله قۆناغ شه‌شه‌مه له رێ وشوونه‌يل هاوردنه‌وه‌ى ژيان ئاسايى ئه‌را پاريزگاگه.
