دهۆك قه‌يه‌غه‌ى هاتوچوو هه‌ڵگرت و شوونه‌يليگ وه داخرياگى هيلێد
2020-05-11T19:41:54+00:00
شه‌فه‌ق نيوز/ ماجد سه‌يد ساڵح جيگر پاريزگار دهۆك، ئاشكراى لاوردن قه‌يه‌غه‌ى هاتوچوو له‌ناونى قه‌زا و ناحيه‌يل پاريزگاگه كرد.
سه‌يد ساڵح له كۆنگره‌يگ رووژنامه‌گه‌رى ك په‌يامنێر شه‌فه‌ق نيوز له‌تى ئاماده بوێ، ئاماژه وه ئاسانكارى رێ وشوونه‌يل كرد له‌باره‌ى واكردن شوونه‌يليگ كار ئه‌را كه‌رت تايبه‌ت و سه‌ياره‌يل نه‌فه‌رهه‌ڵگر وه‌گووره‌ى رێ وشوونه‌يل دياريكرياگ ته‌ندروستى.
باس له‌وه‌يش كرد بازاڕ سه‌ره‌كى و بازاڕه‌يليگ تر و دوكانه‌يل بازرگانى و يانه‌يل شه‌وانه‌و شوونه‌يل مه‌ساج و كافتريايه‌يل وه داخرياگى مينن له سه‌عات 11ى شه‌و تا 4 شه‌وه‌كى، ته‌نيا نانه‌واخانه‌يل و ماركێته‌يل له‌لى بترازيه‌ێد.
