دهۆک.. وەفر ئامێدی پووشێد و دەروازیگ سنووری بەسێد
![دهۆک.. وەفر ئامێدی پووشێد و دەروازیگ سنووری بەسێد](https://media.shafaq.com/media/arcella/1680274793914.jpg)
2023-03-31T15:00:41+00:00
شەفەق نیوز/ فەرمانگەی رێگەو بان لە پارێزگای دهۆک، ئمڕوو جومعە، ئاشکەرایکرد لە ناوچەیل جیاواز وەفر خەسیگ واریە، وتیش فرەترین رێژەی وەفر وارین لە یەکیگ لە ریە سنووریەیل بویە.
وەرپرس راگەیانن فەرمانگەگە کەمال محەمەد وە ئاژانس شەفەق نیوز وت، " شمارەیگ لە ناوچەیل باکوور پارێزگاگە وەفر وارین فرەیگ وە خوەیان دینە".
وتیش" ناوچەیل سەر وە قەزای ئامێدی ک بریتین لە : سیارتوکا و جمانگی و سەرزێر لە ناحیەی کانی ماسی وەفر لەلیان واریە و لە سنوور سەرزێر بەرزترین رێژەی وەفر وارین توومارکریاگە ک 15 سانتیمەترە".
ئاشکەرایکرد " ئامێرەیل فەرمانگی ریوبان لە شەوەکی ئمڕووەو دەسکردنەس وە وازەوکردن ریەیل ناوچەگە ک وەفر لەلیان واریە".