دهۆک.. وەخوارکەفتن دوو درۆن لە پەلاماردانەیل بۆمبخانەیل تورکیا زەرد گەپیگ رەسنێد
شەفەق نیوز/ شایەتحالەیگ، ئمڕوو چوارشەممە، خەوەردا لە وەخوار دوو درۆن لە ئاوای برجی سەر وە قەزای ئامێدی لە باکوور پارێزگای دهۆک.
شایەتحالەگە وە ئاژانس شەفەق نیوز راگەیان، وەرگیری ئاسمانی تورکیا سەرکەفتی بوی لە وەخوارخستن یەکیگیان، و ئەو فرۆکەگەی ترەک وەبی بەڕەنگاربوین یا وەرگیری ئاسمانی وەخوارکەفتیە.
سەرچەوەگە وتیش، رویداوەگە دڵەڕاوکێ گەپیگ لەلای هاوڵاتیەیل ئاوایەگە دروسکردیە، بویە مدوو ئەوەگ ئیدارەی مەکتەو نەهیل پەک دەوام فەرمی بخەێد لەوەر پاراستن سەلامەتی خوەنەوارە و ماموسایەیل.
سەرچەوەیگ ئەمنیش خەوەردا بۆمبخانەیل تورکیا ئمڕوو پەلامار ئاوای "کەفن مژی" دانە کە کەفێدە لاپاڵ کویەی گارە باکور دهۆک.
ئاشکرایکرد، پەلامارداین ئاسمانی توپخانەیل وەردەوامە وەلایەن هێزەیل تورکیا زەرد مادی گەپیگ رەسانیە بویەسە مدوو ویرانکردن شمارەی گەپیگ لە ماڵەیل ئاوایەیل "كه فن مژى"، "سپيندار"، و"مژی".
دیاریکرد، دانشتگەیل ئێ ئاوای نزیکەی ساڵیگە ئاوارەبوینە لە ئەنجام جەنگەیل چەکداری ناوەین سوپای تورکا و پکەکە.
