دهۆک مردن یەکیگ لە زەخمدارەیل تەقینەوەی تانگی غازەگە راگەیان

شەفەق نیوز/ پۆلیس دهۆک، ئمڕووجومعە، مردن یەکیگ لە خوەنەوارە زەخمدارەیل تەقینەوەی تانکی غازەگەی دهۆک راگەیان، لەوەخت چارەسەرکردنی لە تورکیا.

لە بەیاننامەیگ رەسیەس وە ئاژانس شەفەق نیوز وت،" زەخمدار نێچیرڤان عەبدولعەزیز لە خەسخانەیگ لە تورکیا گیان لە دەسدایە  لەوەر سەختی زەخمداریەگەی لە تەقینەوەی تانکی غازەگەی بینای بەشەناوخوەیی دهۆک.

وەی هووکارە رێژەی قوربانیەیل بەرزەوبوی ئەرا 6 کەس، وەپای بەیاننامەگە.

رووژ چوارشەممە 23 تەشرین دوویەم، وەزیر پەروەردەی هەرێم کوردستان ئالان حەمە سەعید راگەیان، گیان نزیکەی 60 خوەنەوار قورتارکریایە، لەهەمان وەخت 5 کەس گیان لە دەسدایە  و 27یش زەخمدارە، لە رویداو تەقینەوەگەی  ک لە بڕوار(20 ئی مانگە) رویدا، لەوەر دزەکردن غاز، یەیش هیشت حکومەت هەرێم کوردستان وەکارهاوردن غاز شل قەیەغە بکەێد.