دهۆک یەکەمین مردن لە ٢٠٢٤ وە تەو خوینوەربوین توومار کەێد
2024-05-22T11:41:53+00:00
شەفەق نیوز/ پارێزگای دهۆک لە هەرێم کوردستان، ئمڕوو چوارشەممە، یەکەمین مردن وە تەو خوینوەربوین وەماوەی ساڵ ٢٠٢٤ توومار کرد، وەگورەی ئاشکراکردن فەرمانگەی تەندروسی پارێزگاگە.
سەرچەوەگە ئەرا ئاژانس شەفەق نیوز وت: قوربانیەگە تەمەنی ٤٨ ساڵە، وەرجە دوو هەفتە هاتیەسە خەسەخانەی دهۆک، و دویای تاقیکردنەوەیل تویشهاتنی وە تەو خوینوەربوین چەسپیا، و لەناو یەکیگ لە خەسەخانەیل هەولێر گیانی لەدەسدا.
فەرمانگەگە هەمیش تویشهاتن ژنیگ لەتەمەن ٦٥ ساڵ وەو بیماریە توومار کرد، وەگورەی سەرچەوەگە ئیرنگە تەندروسیی ئارامە.
شەوەکی ئمڕوو چوارشەممە، سامان بەرزنجی وەزیر تەندروسی لە هەرێم کوردستان، توومارکردن یەکەمین سێ تویشهاتن وە کولێرا و تەو خوینوەربوین لە ساڵ ٢٠٢٤ راگەیان.
