دهۆک... لە رووژەیل جەژن پیشوازی لە 20 هەزار گەشتیار کرد
2022-07-12T12:44:00+00:00
شەفەق نیوز/ فەرمانگەی گەشتوگوزاری لە دهۆک، ئمڕوو سێشەممە، راگەیان لەماوەی روژەیل جەژن قوربان پیشوازی لە 20 هەزار گەشتیار پارێزگا جیاوازەیل عراق کریایە.
وەرپرس راگەیانن فەرمانگەی گەشتوگوزاری دهۆک، رێوار محەمەد، وە ئاژانس شەفەق نیوز وت: " شوینەیل گەشتیاری و هۆتێلەیل پیشوازی لەی شمارە گەپە کردن وەبی ئەوەی هویچ گێچەڵیگ توومار بکریەێد".
وتیش؛ " فەرمانگەی گەشتوگوزار وەرجەیە هەماهەنگی وەگەرد فەرمانگەیل دیاریکریاگ کردنە پێشەکی پیلانیگ ئەرا پیشوازیکردن لە گەشتیارەیل داناوێن" ، پیشبینی کریەێد" شمارەی گەشتیارەیل بڕەسێدە 50 هەزار گەشتیار".
لە رووژەیل جەژن و بۆنەیل، عەراقیەیل لە ناوراس و باشوور و خوەرئاوای عراق روی کەنە هەرێم کوردستان ئەرا وەسەربردن وەختەیلەیان لە شوینەوارەیل گەشتوگوزار تاڤگە و کویەیلە.
