ده‌سڵاته‌يل عراقى له‌باره‌ى ده‌سوه‌سه‌رگرتن بازگه‌يگ له‌لايه‌ن پێشمه‌رگه‌وه ئاشكراكردنيگ دا
2019-08-14T20:16:22+00:00
شه‌فه‌ق نيوز/ شانه‌ى ره‌سانن ئه‌منى، ده‌سوه‌سه‌رگرتن بازگه‌يگ له قه‌زاى مه‌خمور كيشه له‌سه‌ر له‌ناونى به‌غداو هه‌ولێر له‌لايه‌ن هيزه‌يل پێشمه‌رگه‌وه خسته دروو.
شانه‌ى ره‌سانن ئه‌منى له به‌ياننامه‌يگ وت: بڕيگ له ماڵپه‌ڕه‌يل په‌يوه‌ندى كۆمه‌ڵايه‌تى گرته‌يگ ڤيديۆيى له بازگه‌ى مه‌خمور بڵاو كردنه‌و له‌تى له‌يوا ده‌رئه‌كه‌فێد ئه‌و بازگه له‌لايه‌ن هيزيگ له پێشمه‌رگه‌وه ده‌سوه‌سه‌ر كرياگه.
به‌ياننامه‌گه وت: ئه‌و لايه‌نه‌يله ك ئه‌و ڤيديۆ بڵاو كردنه هه‌وڵ پشيوێ ئه‌يه‌ن، له‌وه‌ر ئه‌وه‌گ ئه‌و بازگه حاڵ حازر كه‌رته‌يل تيم 14 له سوپاى عراقى له‌تى وجوود ديرێد و ئه‌وه‌گ بڵاو كرياگه روێداگيگ كويه‌ن بويه‌و له‌وه‌خ خوه‌ى چاره‌سه‌ر كرياگه.
