دهۆک دویای زیایبوی تووشهاتنەیل جەخت لە جیوەجیکردن ریکارە مقەیەتیەکان کەێد
شەفەق نیوز/ عەلی تەتەر پارێزگار دهۆک، ئمڕوو یەکشەممە، جەخت کرد لە گرنگی پابەندبوین دانیشتوەیل وە رینمایل دەسەی باڵای نواگردن ڤایڕۆس کۆڕۆنا، ئەوەیش دویای هاتنەوەی ڕێژەی تووشهاتنەیل وە پەتاگە ئەرا بەرزەوبوین.
تەتەر لە کۆنگرەیگ رۆژنامەوانی ئمڕوو وت: بایەدە چێشتخانە و قاوەخانەیل و گشت ئەو شوونەیلە ک مەردم چنە ناویان ریکارە تەندروسیەگان جیوەجی بکەن، و ری ئەرا وازکردن هۆڵەیل بۆنەکان نییە مەگەر وە مەرج جیوەجیکردن رینمایل دەسەی باڵا، و ئەگەر هەر پێشێلکارییگ تۆمار کریا باج خریەێدە بان هۆڵەگە و بەسیەێد، و قاوەنخانەیلیش هەمان شیوە.
وتیش؛ گشت چالاکی و گردەوبوینە کۆمەڵایەتیەکان ئیسە وسیانە، و داوا لە حزبە سیاسیەکان کرد هاوکاری وەگەرد پارێزگاگە بکەن، و هیچ گردەوبوینیگ نەکەن، و ئەگەر ئەوە خوازین بایەدە لە سنوور ریکارە مقەیەتیەکان لە وەکارهاوردن دەمامەک و دویرەوکەفتن لە قەرەباڵغ بوود.
پارێزگارەگە داوا لە دانیشتوەیل کرد لە سەردان قەورسان و قەرەباڵغ لە بازاڕەیل وجادە گشتیەکان دویرەو بکەفن، و وتیش؛ ئامانج هەرێم کوردستان لەی ریکارەیلە خوەی مقەیەتیکردن گیان هاووڵاتییەیلە.
تەتەر داوا لە دانیشتوەیل کرد مقەیەتی خوەیان و کەسوکارەیلیان و ئەوکان وەکارهاوردن دەمامەک بکەن، و جەخت کرد ک گرنگە مزگەفتەبل پابەند وە رینماگان بوون و چەودیری رووبەرەیل ناوبەینیان لە وەخت نماز بکەن، وتیش؛ مزگەفت هیچ جیوازییگ لەو شوونەگان لە ئەگەر پڵشێلکاری نەیرێد، و ئەوەسا رینمایلیگ تایبەت وەمانگ رەمەزان دەرکەیمن.
