دهۆک.. دەسگیرکردن کەسیگ وە توومەت "نوشتە و جادوو" کە هویچ سورەتیگ قورئانی نیەزانێد (وینە)
2024-05-23T15:32:16+00:00
شەفەق نیوز/ فەرمانگەی پۆلیس پارێزگای دهۆک، ئمڕوو پەنجشەممە، راگەیان کەسیگ دەسگیرکردن کارەیل نووشتەو جادووگەری لە وەرانوەر بڕە پویل فرەیگ کردیە.
عەقید هێمن سلێمان وەرپرس راگەیانن فەرمانگەی پۆلیس دهۆک ئەرا ئاژانس شەفەق نیوز دووپاتکرد "مەفرەزەیگ لە هێزە ئەمنیەیل ئاخڵەی ماڵ توومەتاریگ دانە و دەسگیری کردن کە شمارەی فرەیگ کەرەستەیل نوشتە و جادووگەری وەپی بویە".
وتیش "ئۆپراسیۆن دەسگیرکردنەگە ئاشکەرایکرد شمارەیگ بسینەیل لەناو ماڵەگەی بوینە کە لەناویان شەش ژن و پەنجیان پیاون سەردان توومەتبارکزدنە ئەرا چارەسەرکردن کێشەیلیان لەری جادوو".
سلێمان وە ئەرا ئاژانس شەفەق نیوزئاشکەرایکرد، "توومەتبار بڕە پویلیگ لەناوەین 400 تا 600 هەزار دینار لە سەردانکەرەیلی سەندیە وەرانوەر هەر کاریگ جادوو".
عەقید هێمن دیاریکرد "لە لێکۆڵینەوەگان دەرچگە توومەتبار تەنیا سورەتیگ بویچگیش لە قورئان پیرۆز نیەزانێد".
