دهۆک... تا ئیسە هویچ تویشهاتنیگ وە کولێرا توومار نەکردیە
شەفەق نیوز/ حکومەت خۆجێیی لە پارێزگای دهۆک، ئمڕوو پەنجشەممە، خەوەردا لە پارێزگاگە هویچ تویشهاتنیگ وە پەتای کولێرا توومار نەکریایە لەوەخت بڵاو بوین لە عراق و هەرێم کوردستان تا ئیسە.
ماجد سەید ساڵح جێگر پارێزگار دهۆک ئمڕوو لە کۆنگرەیگ رووژنامەوانیی ک ئاژانس شەفەق نیوز ئامادە بوی دووپاتکرد، بایەتە پیلان و رێکارەیل مقەیەتیکردن تایبەت وە ڤایرۆس کۆرۆنا ئەنجام بیریەێد، دووپاتکرد، نیەتوایمن ئی جەژنە تویشهاتن وە ڤایرۆس کۆرۆنا بەرزەو بوود.
داواکرد ک بایەتە هەردگ تاقەبەش ڤاکیسین ڤایرۆسەگە وەربگریەێد ک گرنگترینیانە ئەرا سنووردارکردن کۆرۆنا. وەی دویایە رێژەی توشهاتن وە کۆرۆنا لە هەرێم و ناوچە و شارەیلتر عراق بەرزەوبوین وە خوەیەو دیە ک لە سەرەتای ساڵ 2022 ئەرا ئاستیگ فرە داوەزین وەخوەی دیە.
لەباوەت کولێرا وت، خوەشبەختانە تا ئیسە لە دهۆک هویچ تویشهاتنیگ وە پەتاگە توومار نەکریایە، دووپاتکرد" لەدویای ئەوەی لە گشت عراق بڵاو بوی، تەندروسی دهۆک رینمایەیل مقەیەتیکردن لە بیماریەگە بڵاوکرد، ئومید خوازێد چێشتخانە و هۆتیلەگان و قاوەخانەیل پابەندبوون وەپی.
