دهۆک پانزەهەم ڤیستواڵ ئەنویر و هەنگوین سازێد.. وینە
شەفەق نیوز/ ئمڕوو یەکشەممە، دەسکریا پانزەهەم ڤیستواڵ ئەنویر و هەنگوین دهۆک لە کۆمەڵگەی "فامیلی مۆڵ".
پەیامنێر ئاژانس شەفەق نيوز وت: ٤٠ کشاوەرز و خاوەن هەنگوین لە ڤیستواڵ ئەنویر و هەنگوین بەشداری کردن، ک لە کۆمەڵگەی بازرگانی فامیلی مۆڵ وەڕیەو چگ، و سەرۆک مەسعود بارزانی ئامادەی بوی.
لەلای خوەییش، عەبدولجەبار دوسکی یەکیگ لە کشاوەرزەیل ناو ڤیستواڵەگە ئەرا ئاژانس شەفەق نیوز وت: تەما دیریمن ئی ڤیستواڵە بوودە دەروازەیگ ئەرا فرووشتن بەرهەمەیلمان وەرەو دەیشت هەرێم کوردستانیش، و داوای دروسکردن سەردەوکەر ئەرا ئەمارکردن بەرهەمەیل کشتوکاڵیمان و کارخانەیل دروسکردن ئاو میوە کەیمن.
هەرلیوا، ئەمجەد کفەرکی وەڕیەوبەر باخەوانی لە کشتوکاڵی دهۆک وت: پارێزگای دهۆک جویر سەوەتەی بەرهەمکردن ئەنویرە لە هەرێم کوردستان، ولەناوی خاسترین چینەیل ئەنویر بەرهەم کریەێد ک شمارەیان رەسێدە ١٥٠ چین.
وتیش: حکومەت هەرێم کوردستان ئێرنگە نیاز پەیاکردن ریەیل هەناردەکردن ئەنویر پارێزگای دهۆک وەڕی کۆمپانیایل وەرەو دەیشت عراق دیرێد.
وەگورەی ئامار وەڕێەوبەرایەتی کشتوکاڵی دهۆک، زیاتر لە ٣٨ هەزار دۆنم زەوی کشتوکاڵی ئەنویر هەس، و بەرهەمیان رەسێدە ٧٧ هەزار تەن لە گشت پارێزگای دهۆک.
