دهۆک پاکەوکردن نزیکەی ١٧٠ مەتر چوارسویکە لە مین و جیماگەیل جەنگی راگەینێد
شەفەق نیوز/ فەرمانگەی کاروبار مین لە دهۆک، ئمڕوو دووشەممە، تەواوبوین لە پاکەوکردن دوو شوین پڕ لە مین و جیماگەیل جەنگی راگەیان لە دوو ناحیە لە باکوور پارێزگاگە، لە تەقەلایل وەردەوامی ئەرا پاکەوکردن ئەو شوینەیلە کە مین هاناویان، و وەدەسهاوردن ژینگەی بیوەییگ ئەرا دانیشتگەیل.
شیلان نهێلی خانمە وەڕیەوبەر فەرمانگەگە ئەرا ئاژانس شەفەق نیوز وت: نیمەیلمان توەنستن دەیان مین و جیماگەیل جەنگی لە ناحیەی زاوێتە لاوەێد کە رووبەری رەسێدە ١٢٣ هەزار مەتر چوارسویکە.
باس ئەو شوینە کرد کە سەخت بویە چوینکە مین لەناوی فرە بویە و زەویەگە سەختە، لەبان ئەوەیش تیمەیل توەنستن ٧٩ مین ٣٦ پارچەی جیماگەی جەنگی هەڵگرن، و دیاری کرد کە وە تەقانن ئەو مینەیلە لە شوینەیلیگ تایبەت وەبیوەی لەلییان قورتار بوین.
وتیش: شوینە دویەمەگە کەفێدە ناو سنوور ناحیەی مانگیش وە رووبەر ٤٤ هەزار مەتر چوارسویکە، کە نۆ مین و ١٤ پارچەی جیماگەی جەنگی لەورا هەڵگریا، کە دەسمیەتی لە ئارامکردن ئی شوینەیلە و سووکەوکردن رخداریەیل لەبان خەڵک دان.
نهێلی دووپات لەبان ستراتیژیەت ئەو شوینە لە زاوێتە کرد چوینکە چوودە ناو پلانیگ ئەرا بانان ئەرا دروسکردن تونێلیگ ئەرا ئاسانکردن هامشوو ناوەین ناحیەی زاوێتە و قەزای عمادیە.
لە کۆتایی وت: تیمەیل فەرمانگەی کاروبار مین لە دهۆک، لە سەرتای ساڵ ٢٠٢٤ەو و تا ئیسە سەرکەفتن لە پاکەوکردن ١٥ شوین لە مین و جیماگەیل جەنگی کە لە ماوەی زیاتر لە ٦٠ ساڵ لە جەنگەیل کەڵەکە بوینە.
