دهۆک.. پەیاکردن تەرم پێشمەرگەیگ و کوشیان دووان تر لە رووداویگ هاتووچو
شەفەق نیوز/ دەسەڵاتەیل پەیوەندار لە پارێزگای دهۆک لە هەرێم کوردستان، ئمڕوو چوارشەممە، تەرم ئەندامیگ لە پێشمەرگە پەیا کردن وەرجە دوو مانگ لە شەنگال بیسەروشوون بویە، و هەمیش دوو پێشمەرگە لە رووداویگ هاتووچو لە قەزای شێخان گیانیان لەدەس دان و سێیەمیان زەخمدار بوی.
سەرچەوەیگ ئەمنی ئەرا ئاژانس شەفەق نیوز وت: تەرم ئەندام پێشمەرگە (محمد عیسا موڕاد) دویای دوو مانگ لە بیسەروشووتیی پەیا کریا، و دیاری کرد ک خوەی لە خەڵک شەنگالە، و دویای ئاوارەبوین خەڵک شەنگال لە کامپ کربتو لە پارێزگای دهۆک جیگر بوی.
و دیاری کرد ک موڕاد وەرجە دوو مانگ بیسەروشوین بوی، و لە باکوور کوێەی شەنگال لە ئاوای دهولا پەیای کریا.
لە رووداویگ جیا، دوو ئەندام پێشمەرگە لە رووداویگ هاتووچو لە قەزای شێخان هەنای ئەرا وەرگردن مووچەیلیان چگن گیانیان لەدەس دان و سێیەمیان زەخمدار بوی.
سەرچەوەگە نشان دا م رووداوەگە لە مەوقەی لەیەکداین ماشینیگ ک ئەندامیگ پێشمەرگە رانیادەی تا بچوودە وەرگردن مووچە بوی، و بویە هووکار کوشیان دووان و زەخمداری سێیەمەگە، و دیاری کرد ک کوشیایەیل (حەمید میرزا) و (شاکر فازڵ) بوین ک هەردوگیان خەڵک قەزای عەقرە بوین و هانە لیوای چوارەم لە هێزەیل پێشمەرگە.
