دروستكردن دەرمان ڤایڕۆس کۆڕۆنا له هه‌ولێر
2020-07-08T10:51:22+00:00
شەفەق نیوز/ فرسەت سوفی پارێزگار هەولێر، ئمڕوو سێشەممە، راگەیان کۆمپانیای دەرمانی "ئاوامیدیکا'' توانستن دەرمان "فافیبیرافیر" بەرهەم بارێد ک بەشیگ لە دەوڵەتەیل جهان وەکاری تیەرن ئەرا چارەسەرکردن تووشهاتگەیل ڤاڕۆس کۆڕۆنا.
لە بەیاننامەیگ ئەرا نووسینگەی پارێزگار هەولێر وت: سوپاس لە کۆمپانیای دەرمانی "ئاوامیدیکا'' لە هەولێر کەێد، ک تویەنست وەهاوکاری وەل ناوەندە پسپۆڕەگان جهان بەرهەمکاری دەرمانەگە بکەێد، و دووپاتکرد ک جی شانازی و دڵخوەشیە ک کۆمپانیای گەورایگ لە هەولێر ئەنجامیگ ئەرا شارەگە پێشکەش بکەێد، چوونکە بەرهەمکردن ئیجوور دەرمانیگ لەی قۆناغە دەسکەفتن گەورایگە ئەرا شارەگە وگشت مرۆفایه‌تیی.
چارەسەرەگە دەرمانیگە یابانی ئەرا تووشهاتگەیل ڤایڕۆس کۆڕۆنا، ك لە رووسیا گەشە وەپی دریا وەسەرپەرشتی حکومەتی، وەگورەی وتارەیل فەرمی.
