دروسکردن و خاسەوکردن نزیکەی ٧٠٠ مەکتەو وەماوەی سێ ساڵ لە هەرێم کوردستان.. وینە

شەفەق نیوز/ حکومەت هەرێم کوردستان، ئمڕوو یەکشەممە، بیناکردن ٥٧ مەکتەو و ساوەی مناڵ نوو، و خاسەوکردن ٦٣٤ مەکتەو وەماوەی سێ ساڵ راگەیان.

فەرمانگەی راگەیانن و زانیاری لە حکومەت هەرێم کوردستان، لە بەیاننامەیگ رەسیە ئاژانس شەفەق نیوز وت: ٢٠ هەزار و ١٣٦ خوەنەوار سوود لە مەکتەوەیل نوو گردن، و خاسەوکردن مەکتەوەیل سوود وە ٣٤٠ هەزار خوەنەوار رەسان.

وتیش: حکومەت هەرێم و پلان ئەرا بیناکردن ٢٩ مەکتەو تا کۆتایی ئی ساڵە دانەێد، ئەرا خزمەتکردن زیاتر لە ١٥ هەزار خوەنەوار.

وتیش: لە خود وەختەگە، نووەکردن ٢٠٠ مەکتەو دەسوەپی کریا، و ئەوەسا ٢٠ مەکتەو نوو بینا کریەێد، ئەرا نزیکەی ١١٩ هەزار خوەنەوار.