داوەزین دۆلار لە بەغداد و هەرێم کوردستان
2021-06-03T07:20:38+00:00
شەفەق نیوز/ نرخ دۆلار، ئمڕوو پەنجشەممە، لە بۆرسەی سەرەکی بەغداد و هەرێم کوردستان داوەزیا.
پەیامنێر ئاژانس شەفەق نیوز وت: بۆرسەی کیفاح و حارسیە لە بەغداد ١٤٩١٥٠ دینار وەرانوەر ١٠٠ دۆلار ئەمریکی تۆمار کردن.
دوێەکە چوارشەممە نرخ دۆلار لە بۆرسەی کیفاح رەسیە ١٤٩٥٠٠ دینار وەرانوەر ١٠٠ دۆلار ئەمریکی.
پەیامنێرەگەمان نشان دا ک نرخەیل فرووشتن و سەنەین لە دوکانەیل ئاڵشتکردن لە بازاڕە ناوخۆیلە داوەزیا ک نرخ فرووشتن رەسیە ١٤٩٥٠٠ دینار، و نرخ سەنین رەسیە ١٤٧٥٠٠ دینار وەرانوەر ١٠٠ دۆلار ئەمریکی.
لە هەولێر پایتەخت هەرێم کوردستان نرخ دۆلار هەمیش داوەزین وەخوەی دی ک نرخ فرووشتن رەسیە ١٤٩٤٠٠ دینار وەرانوەر ١٠٠ دۆلار ئەمریکی، و نرخ سەنین رەسیە ١٤٩٠٠٠ دینار وەرانوەر ١٠٠ دۆلار ئەمریکی.
