داوەزین ئاوەگە نیەیلێد بەنداو دوكان کارەبا بەێدە کوردستان
شەفەق نیوز/ ئیدارەی بەنداو دوكان لە پارێزگای سلێمانی، ئمڕوو پەنجشەممە، راگەیان بەنداوەگە توانا نەیرێد کارەبا بەێدە هەرێم کوردستان چوینکە ئاوەگەی کەمە، باس دانان پلانیگ لەباوەت مەرقەزکردن ئاو ئەرا نواگردن هشکەساڵی کرد.
کۆچەر جەمال وەڕیەوبەر بەنداو دوكان وت: بەنداو دوكان لە ساڵەیل گوزەشتە ١٠% لە خوازین کارەبای هەرێم کوردستان دابین کردیاد، باوجی ئمساڵ نەتوەنست لەی ئاستە بەشداری بکەێد.
جەمال وتیش: ئمساڵ ئاست ئاو بەنداو دوكان ئەرا یەک مەتر و ٤٨ سانتیمەتر وەگورەی پارەکە داوەزی، و دیاری کرد ک ئاست ئاو بەنداوەگە پارەکە رەسیە ٤٦،٥% و جاروباریش ئاست ئاوەگە رەسیادە ٤٨% لەبان کەموارانییش، باوجی ئمساڵ لەوەر هشکەساڵی داوەزیا وڕەسیە ٤٢%.
لەباوەت پلانەیل ئیدارەی بەنداوەگە ئەرا نواگردن هشکەساڵی، کۆچەر دیاری کرد ک ئیدارەی بەنداوەگە پلانیگ دەربارەی مەرەقەزکردن ئاوەگە تا مانگ تەشرین دویەم ئایندەی ئی ساڵە دانا.
وەرپرس بەنداوەگە دیاری کرد ک لەماوەی ساڵەیل گوزەشتە بەنداوەگە وەلای کەمەو وە ١٠% لە کارەبای هەرێم بەشداری کردیاد، باوجی داوەزین ئاست ئاوەگە ئمساڵ و پارەکە وە شیوەی گەورەیگ کاریگەری لەبان بەشداریکردنمان وە دابینکردن کارەبا داشت، ئەوەیش لەوەر ئەو کەموارانیە ک بەش بەنداوەگە نەکرد.
