داوەزیان رێژەی تونوتیژی وەرانوەر پیاگەیل زیایبوین تاوان کوشتن خێرانی لە هەرێم کوردستان

شەفەق نیوز/ یەکێتی پیایەیل کوردستان، ئمڕوو شەممە، ئاشکرایکرد حالەتەیل تونوتیژی خێزانی وەرانوەر وە پیایەیل لە ماوەی نۆ مانگ یەکەم ئمساڵ داوەزیاس وە بەراورد وە هەمان ماوە لە پارساڵ، هەرچەنە رێژەی تاوانەیل کوشتن پەیوەنیدار وە گیچەڵەیل خێزانی بەرزەوبویە.

بورهان عەلی فەرەج سکێرتێر یەکێتی پایەیل لە بەیانیگ تایوەت وە ئاژانس شەفەق نیوز وت؛  داوەزیان رێژەی تونوتیژی وەرانوەر پیایەیل چوودەو ئەرا زیایبوین هووشیاری  ئاگاداریدان لەی جویرە رویداوەیلە.

وتیش؛ "لەماوەی ئمساڵ 409 حالەت تونوتیژی دژ وە پیایەیل توومارکریاس لە هەرێم کوردستان، لەهەمان ماوەی پارەکە 470 حالەت بویە، داوەزیان وەرچەویگ وەخوەی دیە".

وتیش "تاوانەیل کوشتن پەیوەنیدار وە گیچەڵ خێزانی بەرزەوبویە، لەماوەی ئمساڵ رەسیەس ئەرا کوشیان  13 پیای لە ساڵ وەرین 6 پیای بویە".

ئاشکرایکرد، یەکێتیەگە لە بنکەگەی لە سلێمانیجویر رێکخریایگ مەدەنی کارکەێد ئەرا ماف پای، چەودێری گیچەڵەیل پای کەێد لەناو خێزان و پاڵپشتی یاسایی و دەروینی پیشکەشیان کەێد.