دانيشتن دادگايى كۆمپانيايه‌يل كيمياوى وه‌بى ئاماده‌بوين نوێنه‌ره‌يليان له هه‌ڵه‌بجه كووتاييهات
2019-08-21T21:11:42+00:00
شه‌فه‌ق نيوز/ له‌شار هه‌ڵه‌بجه له هه‌رێم كوردستان، شه‌شه‌م دانيشتن دادگاييكردن كۆمپانيايه‌يل تومه‌تباركرياێ وه وه‌پيداين چه‌ك كيمياوى وه رژيم وه‌رين كووتاييهات وه‌بى ئاماده‌بوين هويچ كام له نوێنه‌ره‌يل وه‌رگريكه‌ره‌يليان.
له‌و باوه‌ته‌و، دادوه‌ر خوه‌يبه‌خش غافيل مايرون له كۆمه‌ڵه‌ى قوربانيه‌يل كيمياوى له هه‌ڵه‌بجه، له كۆنگره‌يگ رووژنامه‌گه‌رى دوياى دانيشتنه‌گه وت: ئه‌و كۆمپانيايه‌يله ك مه‌سه‌له‌ى شكايه‌ت ها بانيان ئاماده‌ى دانيشتن ئمڕوو نه‌وينه، نه خوه‌يان و نه‌يش پاريزه‌ره‌يل وه‌رگريكه‌ر له‌ليان.
جى باسه، مايرون باس له‌وه‌يش كرد كۆمه‌ڵه‌ى ناوبرياى ناڕه‌حه‌ت بويه له ئاماده‌بوين نوێنه‌ره‌يل ئه‌و كۆمپانيايه‌يله ته‌نانه‌ت له دانيشتنه‌يل وه‌رين دادگايش.
