دانوسەنین سیاسی و ئابووری ناوبەین سەرۆک هەرێم کوردستان و باڵیۆز تورکیا
2022-10-10T12:45:19+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو دووشەممە، وەگەرد عەلی رزا غونای باڵیۆز تورکیا لەلای عراق گردەو بوی لە هەولێر.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە باس پەیوەندیەیل عراق و هەرێم کوردستان وەرد تورکیا کریا، وەتایبەت لە چین ئابووری و گواستنەوەی بازرگانی و هاوکاری، هەمیش دویاترین گەشەیل کار سیاسی و هەڵوژاردن پەرلەمانی و تەقەلایل دروسکردن حکومەت نوو.
هەردوگ لایەنەگە دووپات لەبان گرنگی مقەیەتیکردن ئارامی لەناو عراق کردن، لەوەر ئەو کاریگەرە ک لەبان ئاشتی ناوچەگە دیرێد، و هەمیش زوورکردن لەبان دانوسەنین جویر رییگ ئەرا چارەکردن گیچەڵ وگرفتەیل گیرهاتگ.
باس لە دویاترین رویداو و گەشەیل ناوچەگە لەناو باسەیل ئەو دیدارە بوی.
