دامەزراو رووانگە لە رووژ خوەیوەخشین جەهانی رێز لە تیمەیل خوەیوەخش گرێد.. وینە
شەفەق نیوز/ لە شار هەولێر پایتەخت هەرێم کوردستان، رووژ دووشەممە، ئاهەنگ کۆتایی ریزگردن لە تیمەیل خوەیوەخش سازیا. 24 تیم لەناو ئاهەنگەگە بەشداری کردن، ک لە پاریزگاریل جیاجیای عراق هاتنە.
نارین سەلام وەرپرس تیم پەیوەندی لە دامەزراو رووانگە ک سەرپەرشتی ئاهەنگەگە کەێد ئەرا ئاژانس شەفەق نیوز وت: پڕۆژەی هەڵمەت ساڵانەی کەنجەیل یەکیگە لە پڕۆژەیل دامەزراو رووانگە لە ساڵ 2018 دەسوەپی کرد، و بڵاوکردن کلتور خوەیوەخشی لەناو کەنجەیل عراق کەێدە ئامانج، و ئمساڵ لە ئاست گشت پارێزگایل بوی، ک کەنجەیل هەر ساڵیک هویر خوەیان لەباوەت پڕۆژەیل خوەیوەخشین پیشکەش کەن، وە مەرجیگ ئەرا خزمەت گشتی بوود، نەگ ئەرا سوود کەسیک.
حەمزە عەبدولرزا ک وەڕیەوبەر یەکیگ لە تیمەیل خوەیوەخشی بوی، ئەرا ئاژانس شەفەق نیوز وت: پرۆژەمان لە ئارەزوو مناڵەیل وە هوکارەبوین پڕۆگرام تیەێد لە پارێزگای میسان، ک زاڕووەگە توەنێد پڕۆژەیل پڕۆگرام بویچگ دروس بکەن، جویر بازی، و ئمڕوو رێز لە تیمەگە وەلاین دامەزراو رووانگە نریا.
