داعش پەلامار کۆمەڵگەی نیشتەجیبوینیگ لە کەرکوک دەێد

داعش پەلامار کۆمەڵگەی نیشتەجیبوینیگ لە کەرکوک دەێد
2020-08-27T07:43:50+00:00
شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا ک ریخریاگ داعش پەلاماریگ چەکداری لەبان کۆمەڵگەی نیشتەجیبوینیگ لە باشوور کەرکوک جیوەجی کرد، لە وەختیگ هێزە ئەمنیەگان دەسنانە بان ماشینیگ بڕەیل گەورایگ لە چەک هەڵگردگە لە یەکەیگ لە دەروازەیل پارێزگاگە.
سەرچەوەگە ئەرا ئاژانس شەفەق نیوز وت: چەکدارەیلیگ لە ریخریاگ داعش دویەشەو لە وەخت دیریگ ، پەلاماریگ جیوەجیکردن لەبان کۆمەڵگەی عبور سەروە قەزای داقوق لە پارێزگای کەرکوک، ودیاری کرد ک پەلامارەگە هیچ زەرەدیگ لەلی نەوەیەو.
لەلای خوەییش نووسینگەی راگەیانن ئۆپراسیۆنە هاوبەشەگان لە بەیاننامەیگ رەسیە ئاژانس شەفەق نیوز وت: هێزیگ لە لیوای تایبەت ٦١ فیڕقەی تایبەت وە فەرماندەی بارەگای پێشکەفتگ لە ئۆپراسیۆنە هاوبەشەگان لە کەرکوک دەسنا بان ماشین پێشێلکاریگ چەکەیل جوورا جوور هەڵگردگە.
ودیاری کرد لە یەکیگ لە خاڵە سەرەکیەگان لە شار کەرکوک دەسنریا بانی.
Shafaq Live
Shafaq Live