دارایی کوردستان راگەیان گیچەڵ کلکردن پویل مووچە لە بەغدادەو ئەرا کوردستان چارەسەرکریا

شەفەق نیوز/ وەزارەت دارایی و ئابووری هەرێم کوردستان، ئمڕوو سێشەممە، راگەیان، تیمەیل تەکۆیکیان توەنستنە چارەسەر "گیچەڵ کلکردن مووچە" بکەن کە تایوەتە وە مووچەی مانگانەی فەرمانبەر و کراکارەیل کەرت گشتی.

وەزارەتەگە ئمڕوو لە بەیاننامەیگ راگەیان، "لەدویای سەردانکردن تیم تەکنیکی سەر وە خوەیان ئەرا بەغداد مووچەی مانگ کانوون یەکەم  گوزەشتە لە وەزارەت دارایی حکومەت فیدڕالی وەرگرد، لەدویای تەقەلادانایل یەک لەدویای یەک وەگەرد فەرمانگەیل تایبەت وە وەزارەت  دارایی عراق، تیمەگە توەنست چارەسەر گیچەڵ کلکردن ئەو پویلە بکەێد کە ئەرا خەرجکردن مووچە لە هەرێم کوردستان و زیایکردنبڕەگە وەربگرێد" وتیش "فەرمان کلکردن بڕەگە وەلایەن وەڕێوەبەایەتی گشتی وەزارەت گشتی دارایی عراق دەرچگە".