دارایی کوردستان رێنمایەیل گواستەوەی فەرمانبەرەیل گرێبەست ئەرا "میلاک هەمیشەیی" راگەیان
شەفەق نیوز/ وەزارەت دارایی و ئابووری حکومەت هەرێم کوردستان، ئمڕوو یەکشەممە، رێنمایەیل تایوەت وە گواستنەوەی فەرمانبەرەیل گرێبەست ئەرا هەمیشەیی کردنیان راگەیان.
لە گشتاندن شمارە 9 ساڵ 2024 وەزارەتەگە لەباوەت گواستنەوەی فەرمانبەرەیل گرێبەست ئەرا میلاک هەمیشەیی هاتیە و ئاراستەی گشت وەزارەتەیل و دامودەزگایەیل هەرێم کوردستانی کردیە و ئاژانس شەفەق نیوز ئیسفایکرد، هاتیە، پێویستە فەرمانبەرەگە وە لای کەم سێ ساڵ خزمەت بیاشتوود ئەرا گواستنەوەی وەبان میلاک هەمیشەیی، و ئەو بڕوانامەیە ئەرای حساوکرێد کە داشتیەسێ و گرێبەست وەرد کەسیگ تر نەکردیە لە مەوقەی گواستنەوەی ئەرا هەمیشەیی.
لە گشتاندنەگە دیاریکرد لە دویای گواستنەوەیان وەبان میلاک هەمیشەیی خزمەتەیل فەرمانبەر نیەگوارزێدەو تا دویای رەدبوین سێ ساڵ لە بڕوار گواستنەوەی، لە مەوقەی هەوەجەکردن فەرمانگەگە وە راژە.
هەمیش یەکیگتر لە مەرجەیلی، تەمەن فەرمانبەر بایەت لە 18 ساڵ کەمتر نەود و هەوەجە کەێد خاوەن ناسنامەی عراقی بوود.
