دارایی کوردستان خشتەی مووچەی مانگ کانوون یەکەم ئەرا بەغداد کلکەێد

شەفەق نیوز/ وەزارەت دارایی و ئابووری لە حکومەت هەرێم کوردستان، ئمڕوو دووشەممە، کلکردن لیست مووچەی فەرمانبەرەیل ئەرا مانگ کانوون یەکەم ئەرا بەغداد راگەیان.

وەزارەتەگە لە بەیاننامەی کوڵیگ رەسیە ئاژانس شەفەق نیوز وت: خشتەی مووچەی فەرمانبەرەیل هەرێم کوردستان ئەرا مانگ کانوون یەکەم/ دیسەمبەر ئەرا وەزارەت دارایی فیدڕاڵی کلکردیە.

باوەت مووچەی فەرمانبەرەیل هەرێم کوردستان یەکیگ لە باوەتە گیرهاتگەیل و جیناکۆکەیلە ناوەین بەغداد و هەولێر، کە خەرجکردن مووچە ئەرا چەن مانگیگ لەبان ئەوە دیر کەفت.