دارایی هەرێم کوردستان مووچەی وەزارەتەیل بەشەو کەێد
![دارایی هەرێم کوردستان مووچەی وەزارەتەیل بەشەو کەێد](https://media.shafaq.com/media/arcella/1654349728673.jpg)
شەفەق نیوز/ وەزارەت دارایی و ئابووری لە حکومەت هەرێم کوردستان، ئمڕوو شەممە، بەشەوکردن مووچەی فەرمانبەرەیل حکومەت هەرێم کوردستان و خانەنشینەیل ئەرا مانگ ئایار گوزەشتە لەی هەفتە راگەیان.
وەزارەت دارایی و ئابووری لە هەرێم کوردستان لە بەیاننامیگ رەسیە ئاژانس شەفەق نیوز وت: ئەوەسا دووسوو دووشەممە دەسکەێدە بەشەوکردن مووچەی مانگ ئایار گوزەشتە ئەرا وەزارەت تەندروسی.
وەگورەی خشتەی وەزارەت دارایی و ئابووری لە حکومەت هەرێم کوردستان، ئەوەسا مووچەی وەزارەت پێشمەرگە، هیزەیل ٧٠ و٨٠ لە رووژ سێشەممە بەشەو کریەێد، مووچەی وەزارەت دارایی وناوخۆ و وەڕێەوبەرایەتی پاسەوانی دامودەزگایل نەفتی، وەڕێەوبەرایەتی گشتی رەگەزنامە لە رووژ چوارشەممە بەشەو کریەێد.
وەگورەی خشتەگە، ئەوەسا مووچەی هیزەیل زێرەڤانی و فەرماندەیی وەرگری وفریاکەفتن لە رووژ پەنجشەممە بەشەو کریەێد.